Auf grosses Interesse stiess die Wahl zum Mister respektive zur Miss Skilager 2006. Die Resonanz war so gross, dass am Donnerstag über Mittag eine Vorausscheidung stattfinden musste. Aus der grossen Menge von Anwärtern wurden schliesslich folgende Finalisten ermittelt:

Girls:

Mirjam Bütikofer

Ich heisse Mirijam ond schnufe sit 13 Johr die, fo de d Fabreke verpeschteti Loft i. Ich wone en Fislisbach ond gone i de Massehaltig Bezirksschule Burghalde in Bade id Schuel. Am liebschte riit ich mit miim Pflegepony us. Ich ben sehr vergässlech. Eimal han ich vergässe das mer kei Schuel hend, was öppis heisse wird.

Katharina Graschi

Ich heisse Katharina ond han vor 10 Johr ond 9 Mönet minere Mueter usem Buch useglueget. Ich mach gern Judo ond schpele gern Klavier. De Blaureng ond Jongwacht fend ich meega kuul, aber d'Pfadi fend ich schw** (ned guet).

Eliane Hofstetter

Ich bin d'Eliane ond vor 13 Johr hani d'Wält s'erscht mol vo usse gseh. Eigentlech won ich in Windisch, wo ich au id Schuel gang, aber ich ben em Blaureng in Bade, wils det ned so schnell langwiilig wird.
Mängisch bin ich chli vergässlech, aber ich bin glaub ned di einzig. Ich zeichne gern und im Wenter fahr ich am liebschte Snowboard. Ich due au gern Musig lose. Es git no vell meh Sache wonich gern mache, aber wenn ich das au no wörd säge, wärsch du morn no am läse.
Ich glaube jetzt weisch du gnueg vo mir.

Nicole Jucker

Ich ben d Nicole, aber alli miini Fründe säged mer Nicci. Miini Hobbies send torne ond Einrad fahre.
De Blaureng macht mer grosse Schpass, am meischte Freuid machts mer d'Barbara z'nerve. Das esch scho mol en guete Grond miich för för d'Miss SkiLa z wähle!

Myriam Meyer

Ich ben d'Myriam ond han vor 11 Johr s'erscht mol s'Liecht vonere O.P.-Lampe gseh. Am liebschte tuen ich tanze, läse on dem Winter Snowboarde. Miini Lieblengstier send: d'Schildchrott, de Hond ond s'Schweinli.

Naomi Trevor

Ich heisse Naomi und ben 11 Johr alt. Vor öbbe 6 Johr ben ich vom Mars uf Bade zöglet. Ich wär fascht vor 2 Johr wieder zroggange, aber de Blauring het das zom glöck verhinderet. Mini Hobbys send Snowboarde, Skifahre und Zeichne.

Boys:

Yves Graber

Sali du!
Min Name isch Yves, ich bin zwölfi und wohne in Bade. Mini Hobbies sind: Skate, Handball, Graffiti mache und natürlich Jongwacht. Wenn ich keis vo mine Hobbies mache, den ben ich am game oder mache suscht öbis. Mehr eschs scheiss egal wer Mister SkiLa wird, hauptsach es macht Fun. Es wäri zwor scho geil Mr. SkiLa zwerde und falls das passiert machemer e fetti Party.

Till Heiden

Ich heisse Till Heiden und ben 11 Johr alt. Ich ben am 24.2.1995 gebore. Mini Hoorfarb esch brun und mini Augefarbe esch au brun. Ich ha au Hobbies: Tennis spele, Skatboard fahre, Snowboarde, Schlofe, Game und Schwömme. Miis Lieblengsässe esch, Pizza Hawaii. De Heimatsort esch in Dättwil. rot und giftgrün send mini zwoi Lieblengsfarbe. Ich ha au e Lieblensmarke: Paul Frank“. Ich ha no e Schwöschter wo Xenia heisst. Ich möchte mol Sportlehrer werde. Mini Lieblengsband, also eigendlich Rapper, esch de Stress.

Dominic Leu

Sali!
Ich heisse Dominic, ben zwölfi ond wohne in Bade. Mini Hobbies send: Handball, Tennis, ond natürlech Jongwacht.
Wenn ich grad e keis vo dene Hobbies usüebe, dänn mach ich entweder mit miin Brüeder Sport oder soscht öbbis womer gad so ifallt. Am 14. Februar 06 werd ich 13ni ond dänn gez e riise Party.
Ich rauche ned ond ben daher mega!

Rafael Scheurer

Hoi du!
Ich ben dä Rafael Scheurer min Spetzname esch Rafi. Ich Boarde voll gern, ich losä HipHop, ond Chille voll gern met de Kollegä ome, has gern loschtig ond lache au gern mol öber mich selber. Wieso das ich Mister Skila werde wot? Ganz klar: Das er öbis zlache händ.

Dario Seiler

Ich heisse Dario Seiler und ben 12 Johr alt. Ich ben am 7.5.1993 gebore. Min Heimatort isch Ermatingen (Schweiz). Mis Lieblingsesse isch Döner Kebab und Fondue. Ich han natürlich au Hobbies! Snowboarde, Slalomboard fahre und Turne. Mini Lieblingsfarbe sind: Schwarz und Orange. Ich han aber au 2 Lieblingsmarke, nämlich és“ und DC“. Spöter well ich am Liebste emole Comicszeichner werde. Ich han no en Brueder, de Leandro, wele au id Jungwacht Baden id Gruppe Orange god. Mini lieblings Bänd send: AC/DC“, The Offspring“, Sum 41“ und Sektion Kuchichästli“.
Ich well Mister SkiLa werde, well ich defür geignet bin!!!

Marc Weilenmann

Ich ben de Marc Wilemaa, min Schpetzname esch Wilemaa ond ich wird im Oktober 14ni. Dänn gitz e fetti Party. Ich duen gern boarde ond chille ond lose Hip-Hop. Mini Hobbies send volleyball ond tennis schpele. Ich fende ich sött Mr. SkiLa werde, well ich unbedengt es Chröndli wott!